“गलबन्दी” लाई चोरीको आरोपपछि यसो भन्छन् प्रकाश सपुत

नेपालीहरुको मौलिक पहिचान र संस्कृती रहेको लोक तथा दोहोरी गीतमा पनि यतिबेला आधुनिकताको नाममा पश्चिमी शैलीको गन्ध भेटिन्छ । यस्तै शैली छाडा शब्दका गीतहरु सुन्दा सुन्दा वाक्क भएका दर्शक तथा श्रोताहरु लाई आफनै संस्कृती र मौलिकता झल्किने गीत आयो गलबन्दी । चर्चित गायक , लय संयोजक तथा रचनाकार समेत रहेका प्रकाश सपुत ल्याएको उक्त गीत यसरी भाईरल बनिरहेको छ की यो गीत युट्युवमा एक हप्ता पनि करिब १६ दिनमै करोड क्ल्बमा पुग्ने तयारीमा रहेको छ ।

गीतको संगित , आवाज , शब्द र भिडियोमा नेपालको रोधी बस्ने संस्कृतीलाई जस्ताको त्यस्तै उतारिएको गलबन्दी मन नपराउने बालबालिका बृद्धबृद्धादेखि कोही छैनन् । चर्चा नै चर्चा भईरहेको बेला यस गीतलाई आरोप पनि लागेको छ । बिषेश गरी प्रकास सपुतलाई यतिबेला यो गीत चोरी गरिएको आरोप लागेको हो ।उनले गलबन्दी गीत चर्चित गायक शम्भु राईको आउ नाचौँ साथी हो कम्भर कसेर गीतसंग हुबहु मिलेको भन्दै आलोचना गरिरहेका छन् । झट्ट सुन्दा गीत हुबहु त नभनौँ तर कता कता प्रभावित चाही भएको हो की भन्ने भान गराउछ ।

हुन त यो संयोग पनि हुन सक्छ । चोरीको आरोप लागिरहदा नत प्रकास सपुतले यसबारेमा बोलेका छन् नत शम्भु राईले कुनै दाबी नै गरेका छन् । यता पछिल्लो समय विभिन्न कार्यक्रमहरुमा नै व्यस्त रहेका प्रकास सपुतले भने एक अन्तरवार्तामा चोरीको आरोपबारे बोलेका छन् । उनले गीत निका लेर छोडिसकेको अवस्थामा अब छुट्टाउने जिम्मा दर्शक तथा श्रोताहरुको भएको बताएका छन् ।उनले शम्भु राईसंग आफनो प्रत्यक्ष कुराकानी नै नभएको बताउदै भने “मैले पनि केही भनेको छैन शम्भु राई सरले पनि भाई यस्तो भएछ भन्नु भएको छैन ।

भेटघाट भएपछि भोलीका दिन केही कुरा आउँला” । उनले दर्शकबाट पाईरहेको प्रतिक्रियालाई सकरात्मकरुपमा लिएको बताउदै भने “गलबन्दीबाट हामीले गीत , भिडियो सबैमा सयमा सय नम्बर पायौँ भन्ने जस्तो लागेको थियो । तर केही नम्बरहरु यस्ता घटनाले काटिदिएको छ । यसले चाही हामीलाई अर्काे काम गर्न प्रेरणा दिन्छ” । उनले यस्तो भनिराख्दा कतै उनको गीत शम्भु प्रधानको गीतसंग प्रभावित नै भएको त होईन भन्ने प्रश्न उत्पन्न गराईदिएको छ । किनकी कुनै पनि आरोप खण्डन वा त्यसको जवाफ दिनै पर्छ अब हेरौँ प्रकासले यसको जवाफ कहिले दिन्छन् ।